Paratoi ar gyfer y Gaeaf

Isod rhestrir pethau ychwanegol i chi eu hystyried er mwyn paratoi ar gyfer y gaeaf:

  • Sicrhewch fod eich system wresogi'n cael ei gwasanaethu'n rheolaidd a bod simneiau'n cael eu hysgubo
  • Sicrhewch fod awyru digonol ar gyfer gwresogyddion nwy a stofiau sy'n llosgi glo neu bren.
  • Mae cynlluniau cymorth ariannol ar gael a all helpu gyda chostau gwresogi ac inswleiddio cartrefi. Gwiriwch a ydych yn gymwys.
  • Gwiriwch fod tapiau cau'n gweithio'n gywir.
  • Trefnwch i unrhyw flancedi trydan gael eu gwasanaethu o leiaf bob tair blynedd.
  • Gwiriwch fod larymau mwg/tân yn gweithio a newid unrhyw fatris gwefr isel.
  • Cadwch gyflenwad o halen a thywod wrth law i'w cymysgu cyn taenu ar lwybrau a grisiau rhewllyd.
  • Sicrhewch fod esgidiau priodol wrth law e.e. esgidiau cynnes gyda gafael da ar y gwadnau.
  • Cofiwch y bydd sawl haen o ddillad yn gynhesach nag un haen drwchus gan y byddant yn dal haenau o aer cynnes. Mae bod yn weithgar yn cynhyrchu gwres. Bydd prydau a diodydd twym yn helpu i'ch cadw'n gynnes.
  • Sicrhewch fod gennych ddigon o feddyginiaeth annwyd a ffliw gartref. Bydd eich fferyllydd lleol yn gallu rhoi cyngor i chi ar reoli mân afiechydon. Dilynwch gamau hylendid sylfaenol i osgoi trosglwyddo germau i bobl eraill.
  • Sicrhewch eich bod yn derbyn gwahoddiad eich meddyg teulu i gael brechiad ffliw blynyddol.
  • Archebwch bresgripsiynau rheolaidd mewn da bryd.
  • Stociwch eich cegin gyda bwyd sylfaenol hir-oes.
  • Gwyliwch/gwrandewch ar y newyddion a'r adroddiadau tywydd lleol neu ewch i wefan Swyddfa'r Tywydd (www.metoffice.gov.uk/) bob dydd i gael y cyngor, y rhybuddion a'r rhagolygon tywydd diweddaraf.
  • Pan gaiff tywydd eithafol ei ragolygu/brofi, ystyriwch a yw pob un o'r teithiau rydych yn bwriadu mynd arnynt yn hanfodol. Dylech fonitro'r amodau traffig a thywydd a chynlluniwch eich teithiau. Cysylltiadau defnyddiol - www.help2travel.co.uk/mattisse/index.htm neu www.highways.gov.uk neu Linell Wybodaeth Asiantaeth y Priffyrdd ar 0300 123 5000.
  • Os ydych yn teithio mewn car, sicrhewch eich bod yn cynnal archwiliad o'ch cerbyd cyn cychwyn, cario cit argyfwng tywydd eithafol yn eich cerbyd (sgrafell rew a dadrewydd, tortsh, dillad cynnes, blanced, esgidiau, cit cymorth cyntaf, gwifrau cyswllt batri, rhaw os yw'n debygol o fwrw eira, bwyd a diodydd).
  • Cadwch lygad am unrhyw aelodau, ffrindiau neu gymdogion sy'n oedrannus er mwyn sicrhau eu bod yn ddiogel ac yn gynnes.
  • Mae Age UK hefyd wedi cynhyrchu'r daflen ‘Winter Wrapped Up’, arweiniad i gadw'n iach, yn gynnes ac mewn cysylltiad â phobl eraill. I gael mwy o wybodaeth am yr uchod a syniadau a chyngor ychwanegol, gweler y manylion cyswllt isod.
Gwerthuso'r Dudalen Da Cyfartalog Gwael